Հայտնի հեռուստամեկնաբան Գայանե Փայտյանը վերջապես որոշեց բարձրաձայնել իր հետ պատահածի մասին։ Երեք ամիս առաջ Փայտյանը դժվարին օրեր է անցկացրել հիվանդանոցում, կյանքի ու մահվան պայքար մղել ու հաղթել այն պատերազմում, որն ինքն ու բժիշկները մղում էին հանուն կյանքի և․․․ կյանքի համար։
Թերի բուժված թոքաբորբը հեռուստամեկնաբանին հասցրել էր վերակենդանացման բաժանմունք և նույնիսկ կլինիկական մահվան պատճառ դարձել։ Գայանե Փայտյանի գրիչը կարող է միայն այդքան իրական պատկերներ ստեղծել ընթերցողի երևակայության մեջ՝ ստիպելով ապրել այն փորձությունը, որի միջով պատվով անցավ Գայանեն։
Այդ օրերին Փայտյանի միակ զբաղմունքը դիմացի պատի ժամացույցին նայելն էր,և ինչպես ինքն է նշում աշխարհում ՝ամենադանդաղը վերակենդանացման բաժանմունքի ժամացույցներն են աշխատում։
Գայանե Փայտյանը, ով սիրված հեռուստամեկնաբան է , հրաշալի կին և մայր և ում ձայնը հեշտ է տարբերել հազարների մեջ, նշում է , որ հիմա լավ գիտի կյանքի ու ապրելու արժեքը, որովհետև սահմանաբաժանումից է եկել։
Գայանեն իր խոնարհումի խոսքն է հղել նաև բժիշկներին, ովքեր բռնեցին նրա ձեռքը, ուժ տվեցին, անհնարը հնարավոր դարձրեցին և ի ուրախություն բոլորիս՝ նրան իր գեղեցիկ ընտանիք վերադարձրեցին՝ ստեղծագործելու ու աշխատելու եռանդով։
