Սիրուշոն այն երիտասարդ դեմքերից է, որ բախտ ու առիթ է ունեցել շփվելու մեր ժամանակի արվեստի, մշակույթի գրեթե բոլոր լեգենդար ներկայացուցիչների հետ։ Ջիվան Գասպարյանի վախճանի առիթով այսօր շատերն են արտահայտվել՝ ափսոսանք հայտնելով տեղի ունեցածի համար և արժևորելով դուդուկահարի գործունեությունը։
Շատերի նման իր ափսոսանքն է հայտնել նաև Սիրուշոն, ով տեղադրել է մի ջերմ տեսանյութ, որտեղ ինքը երգում է Ջիվան Գասպարյանի համար։ Տեսանյութում երևում է նաև Արամեն, ով փորձում է առանց երաժշտական գործիքների հանել դուդուկի ձայն՝ ձայնակցելով Սիրուշոյին։
Հատկանշական է, որ երգի ժամանակ Սիրուշոն սխալ նոտա է վերցնում, ինչից ինքը շփոթվում է, իսկ ներկաները՝ ծիծաղում։ Տեսանյութում երևում է, թե ինչ ջերմ փոխհարաբերությունների մեջ են Սիրուշոն և սիրված դուդուկահարը։
Սիրուշոյի տեղադրած այս բացառիկ տեսանյութը, որով երգչուհին ևս մեկ անգամ արժևորում է տաղանդաշատ երաժշտի գործունեությունը, կարող եք դիտել վարը կցված նյութի մեջ։
