Պլաստիկ վիրաբուժությունն այսօր լայն տարածում է գտել աշխարհում։ Հազիվ թե գտնվի մի երկիր, որտեղ այս ոլորտն այս կամ այն չափով առաջընթաց գրանցած չլինի։ Սակայն պլաստիկ վիրաբուժությունն ինչպես կարող է օգնել, այնպես էլ խանգարել։ Չէ՞ որ սխալ վիրահատական միջամտությունը կարող է անգամ մարդու կյանքի հետ խաղալ։ Ուստի, Չինաստանում որոշել են դրա դեմ միջոցներ ձեռնարկել։
Չինաստանի իշխանությունները տարօրինակ և հետաքրքիր որոշում են կայացրել։ Երկրի Առողջապահության պետական կոմիտեն հայտնել է, որ պլաստիկ վիրաբույժներին «սև ցուցակ»-ում կներառի։ Այսպիսով նրանք ծրագրում են խստացնել վերահսկողությունը էսթետիկ վիրաբուժության ոլորտում։
2017-ի ապրիլից 2018 թվականին իրականացված ստուգումների արդյունքում 1200 քրեական գործ է ուսումնասիրվել։ Դրանց հիմքում ընկած են բուժօգնության և դեղորայքի անվտանգության ոլորտում շատ խախտումներ։ Ստուգումների հետևանքով 2000 կասկածյալ է ձերբակալվել։ Իրավապահ մարմինները 41 000 բժշկական հաստատություն են ստուգել։ Դրանցից 30-ի գործունեությունը դադարեցվել է։
Բացի այդ, Չինաստանը մտադիր է պլաստիկ վիրաբույժների գնահատման համակարգ ստեղծել։ «Սև ցուցակ»-ում կներառվեն բժիշկները, որոնք անորակ ծառայություններ են մատուցում։
Ապօրինի բժիշկներին ճանաչելու հարցում երկրի քաղաքացիներին օգնելու նպատակով բուժհաստատություններից լիցենզիաներ կպահանջեն։ Դրանք հնարավոր կլինի վավերացնել Առողջապահության վարչության պաշտոնական վեբ կայքերի միջոցով։
