Չինական ավանդական շինությունների տանիքների գաղտնիքը

Շատերին է դուր գալիս Չինաստանի, Ճապոնիայի և Հարավարևելյան Ասիայի մյուս երկրների հնամենի կառույցների տանիքները։ Սակայն քչերին է հայտնի, որ այդ գեղեցիկ ձևը պատահմամբ չի ստեղծվել։

Այդպիսի ճարտարապետական կառույցները Չինաստանում կառուցվել են դեռևս 4 հազար տարի առաջ։ Տեղի տների արտաքին տեսքը հիմնականում որոշել են կլիմայական պայմանները։ Խուանխե և Յանցզի գետերի ավազաններում և այլ առափնյա ծովային տարածքներում պարբերաբար հորդառատ արևադարձային հեղեղումներ են տեղի ունենում, որոնք կարող են չդադարել մի քանի շաբաթ և անգամ՝ մի քանի ամիս։

Տների տանիքների այդպիսի կառուցվածքը նախատեսված է նրա համար, որ դրանցում կուտակված ջուրը տանիքից թափվելիս տնից հնարավորինս հեռու հոսի։ Արդյունքում անձրևից հետո տների պատերը չոր են մնում՝ պահպանելով ամրությունը։

Այդպիսի յուրօրինակ ծածկ կառուցելու համար չին ճարտարապետներն ու շինարարները ունիկալ տանիքի կառուցվածք են հնարել։ Դրա համար նրանք բազմառագաստ բարձակներ են օգտագործել, որոնք կոչվում են «դոն գուն»։ Այդպիսի տեսք ունեն դեպի վեր նայող տանիքների հիմքերը։

Այդպիսի համակարգը ոչ միայն թույլ է տալիս տանիքի ծայրերը տան պատերից ավելի հեռու կառուցել, այլև ապահովում է շինության ամրությունը․ չէ՞ որ ինչպես հայտնի է այդ երկրների տարածքները սեյսմիկ վտանգավոր գոտում են։

Понравилась статья? Поделиться с друзьями:
error: Content is protected !!