Հապալասե չիզքեյքը կարելի է պատրաստել ոչ միայն թխվածքի տեսքով, այլև առանձին չափաբաժիններով՝ տարբեր տարաներում։ Չիզքեյքի հիմքի համար շեֆ խոհարար Գորդոն Ռամզին օգտագործում է մանրացված նուշ, իսկ միջուկի համար՝ սերուցքային պանրից և հունական յոգուրտից պատրաստված նրբահամ կրեմ։ Պատրաստման համար հարկավոր է 1․5 ժամ։
Բաղադրիչներ՝
200գ․ չմաքրված նուշ,
3 ճ/գ կոկոսի յուղ,
2 ճ/գ կոկոսի շաքար կամ շագանակագույն շաքար։
Կրեմի համար՝
250գ․ ոչ յուղային, սերուցքային պանիր,
300գ․ հունական յոգուրտ,
1-2 ճ/գ կոկոսի շաքար, թխկու թուրմ կամ հեղուկ մեղր՝ ըստ ճաշակի,
1 ճ/գ կիտրոնի հյութ,
200գ․ հապալաս՝ թարմ կամ սառեցված,
Մի պտղունց աղ։
Մարմանդ կրակի վրա և չոր տապակայով խորովել նուշը 3-4 րոպե՝ մինչև ընկույզե բույրը չտարածվի։ Թողնել, որ սառչի։
Խորոված նյութը մանրացրեք՝ փշուրների վերածելով։ Ավելացնել կոկոսի յուղը և շաքարը, կրկին խառնել։
Խառնուրդը բաժանեք չոր փոքրիկ տարաների մեջ՝ մուրաբաների համար նախատեսված և սեղմեք այնպես, որ կարծր զանգված ստացվի։ Տարաները դնել սառնարանում։
Միջուկը պատրաստելու համար սերուցքային պանիրը և յոգուրտը տարայում միախառնել փայտե գդալով։ Դրանից հետո ավելացնել 1 ճ/գ կոկոսի շաքար, թխկու թուրմ կամ մեղր՝ կիտրոնի հյութի հետ միասին, վանիլ և աղի պտղունց։ Խառնել ևս մեկ անգամ և փորձել՝ ավելացնելով մնացյալ շաքարը, մեղրը կամ թխկու թուրմը, եթե անհրաժեշտ է։
Դրան ավելացնել հապալասի կեսը և կոպտորեն խառնել։
Սառնարանից վերցնել տարաները և խառնուրդը բաժանել դրանց միջև։ Մնացյալ հապալասը ևս բաժանել տարաների միջև։ Փակել և առնվազն մեկ ժամ թողնել սառնարանում։
