Կարեն Իսրայելյանը սեպտեմբերին ընդառաջ գրում է․ «Սիրելի ծնողներ, դպրոցի վերաբերյալ բացասական մտքեր մի արտահայտեք, երեխաների մոտ մի քննադատեք ուսուցիչներին, մի սերմանեք երեխաների մեջ բացասական մթնոլորտ դպրոցի հանդեպ:
Չէ՞ որ այդ տարիները մարդու համար ամենաերջանիկ և հաճելի տարիներն են, դուք ինքներդ այդ ամենի միջով անցել եք, դպրոցում կրթվում են, ընկերություն են ձեռք բերում և այլն։
Այն ժամանակ հարգանք կար ուսուցչի հանդեպ, սիրելով էինք գնում դպրոց, անգամ վախենում էինք Տնօրենից և ուսուցիչներից, իսկ հիմա՞։ Հիմա մեծից փոքր վիրավորում և մուննաթ են գալիս դպրոցի և ամբողջ անձնակազմի վրա:
Կարող եք միահամուռ ուժերով այնպես արեք, որ վերականգնվի 10 ամյա կրթությունը, բայց մի վիրավորեք այն մարդկանց, ովքեր չնչին գումար ստանալով կրթում են մեր երեխաներին: Հիշեք, դաստիարակվում են ընտանիքում, իսկ առաջին կրթությունը ստանում են դպրոցում:
Եկեք հարգանքով լինենք մեկս մյուսի հանդեպ, և կտեսնեք ինչպես է ամեն ինչ փոխվում դեպի լավը»:
