«Միսս Տիեզերք» մրցույթում Հայստանը ներկայացրել է Նանե Ավետիսյանը, սակայն հաղթանակ չի կարողացել գրանցել։ Նանեն այս մասին զրույց է ունեցել և որոշ հարցերի ուշագրավ պատասխաններ տվել։
Այն հարցին, թե ազդո՞ւմ է արդյոք պարտությունը մասնակից գեղեցկուհիների հետագա կյանքի վրա, Նանեն պատասխանել է, որ չի ազդում անգամ հաղթանակի դեպքում։
Հայազգի գեղեցկուհին պատմել է մրցույթում տիրող դժվարին մթնոլորտի մասին։
Այնտեղ մասնակցել են 90 աղջիկներ, որոնցից յուրաքանչյուրն իր տեսակն ուներ։ Մեկը կոշիկի փոքր լինելու համար մեծ աղմուկ բարձրացրեց, մյուսը չարախնդորեն նայում էր, թե ուր է կորել մյուսի հագուստը և այլն։
Սակայն մրցութային այդ դժվարությունները դուր են եկել հայ մասնակցին, քանի որ շատ լավ գիտակցել է, որ մրցույթներն այդպիսի իրավիճակներ են ենթադրում։ Գեղեցկուհին նաև խոսել է 13 տարեկանից աշխատելու մասին․ աշխատել է որպես մատուցողուհի, դայակ և ութ ժամ աշխատանքի դիմաց վարձատրվել 1500 դրամով։
Պատմում է, որ ժամանակին շատ է ամաչել նման աշխատանքի համար, սակայն որոշ ժամանակ անց հասկացել է, որ ամոթ չէ աշխատելն ու ընտանիքին օգնելը։ Նանեն խոսքի ավարտին ներողություն է խնդրել հայ ազգից, որ չի կարողացել այդ հարթակում հաղթանակ գրանցել։
