Ավարտին հասավ արդեն մեծ սեր ու ճանաչում վաստակած «Անատոլիական պատմություն» բազմասերիանոց հեռուստաֆիլմը: Ամփոփիչ ու գնահատական խոսքերով հանդես եկան շատերը:
Ամփոփիչ խոսք հնչեցնողների մեջ էր նաև ֆիլմի գլխավոր դերակատարներից մեկը՝ Սոս ջանիբեկյանը, ով ֆիլմում հեղինակ-պատմողն էր և գլխավոր դերակատարներից մեկի՝ Ղազիի կրտսեր որդին:
Սոսն իր ամփոփիչ խոսքում արժևորում է ֆիլմի ստեղծման գաղափարը, դրա որակական մեծ արժեքը՝ նշելով, որ սահմանվել է նոր նշաձող:
Սոսը նշում է, որ ինքն այս ընթացքում հեռուստադիտողներից բազմաթիվ գնահատողական բնույթի նամակներ է ստացել, ինչ համար մեծ շնորհակալություն է հայտնում նրանց և նրանց ընտանիքներին:
Նա նաև շնորհակալական խոսք է ուղղում ֆիլմի ռեժիսոր Հրաչ Քեշիշյանին՝ ինքնանվիրումով աշխատելու համար: Սոսն իր գրառման մեջ առանձնահատուկ անդրադառնում է իր մոր՝ Աննա Աղասարյանի նվիրումին և պրոֆեսիոնալ աշխատանքին:
Ա. Աղասարյանը ֆիլմի սցենարի հեղինակն է, ով, ըստ Սոս Ջանիբեկյանի, գիշերներ է լուսացրել այդ սցենարի վրա աշխատելիս:
