Նրբահամ շոկոլադե թխվածքի յուրահատուկ բաղադրատոմս

Շատերը դառը շոկոլադ են նախընտրում՝ կաթնային կամ սպիտակ շոկոլադի փոխարեն։ Սակայն ոչ իզուր։ Պետք է նշել, որ դառը շոկոլադը մայաների մոտ շատ հարգի է եղել։ Նրանք հավատում էին, որ դրանով պատրաստված ըմպելիքը մարդուն կարող է օժտել կախարդական ուժով։

Բացի այդ, դառը շոկոլադը շատ առողջարար է և օգնում է պայքարել մելանխոլիայի դեմ։

Ահա և շոկոլադե համեղ թխվածքի բաղադրմատոմսը՝

300գ․ ալյուր,

200գ․ շաքարավազ,

190գ․ սերուցքային կարագ,

120գ․ կակաո,

2 հավկիթ,

250 մ/լ կեֆիր,

2 թ/գ շոկոլադե լիկյոր,

2 թ/գ փխրեցուցիչ,

1 թ/գ վանիլի թուրմ,

0․5 թ/գ սոդա,

0․5 թ/գ ծովային աղ,

350 մ/լ ջուր։

Կրեմի համար հարկավոր է՝

300գ․ սերուցքային կարագ,

250գ․ սև շոկոլադ,

150գ․ շաքարավազ,

6 հավկիթ։

Տաք ջրի մեջ կակաո լցնել և խառնել՝ մինչև միատարր զանգվածի վերածվելը։

Հալեցնել սերուցքային կարագը և հարել շաքարավազով։ Կարագով տարային հավելել հավկիթները, վանիլի թուրմը և լավ խառնել։ Ստացված զանգվածին հավելել շոկոլադե լիկյորը։ Ավելացնել նաև 2 ճ/գ ալյուր և կրկին լավ խառնել։

Դրանից հետո մեկ այլ տարայում խառնել մնացյալ ալյուրը, փխրեցուցիչը, աղը, սոդան, կեֆիրը, լուծված կակաոն և հավկիթե-սերուցքային զանգվածը։

Խմորը խառնել։ Այն պետք է ստացվի միատարր և խիտ։

Եփել 180 աստիճան ջերմաստիճանով տաքացված ջեռոցում։ Թխելու համար նախատեսված տարայում պետք է ստվարաթուղթ լինի։ Ստվարաթղթին սերուցքային կարագ քսել։ Թխվածքը ջեռոցում թողնել մեկ ժամ։

Կրեմի համար ջրային գոլորշու վրա հալեցնել սև շոկոլադը։ Հարել մնացյալ կարագը։ Առանձնացնել դեղնուցները և սպիտակուցները։ Դեղնուցները ևս հարել։

Դրանից հետո կաթսայում 100 մ/լ ջուր լցնել, ավելացնել մնացած շաքարավազը և հյութ պատրաստել։ Եփել 15 րոպե, մարմանդ կրակի վրա։ Հյութը միացնել դեղնուցների, կարագի, շոկոլադի հետ և հարել՝ մինչև վերածվի միատարր զանգվածի։

Մեկ ժամ անց պատրաստի խմորը հանել ջեռոցից։ Սառչելուց հետո այն երկու մասի բաժանել, քսել կրեմը, և թխվածքը պատրաստ է։

Понравилась статья? Поделиться с друзьями:
error: Content is protected !!