Ալեն Մարգարյանի կերպարը շարունակում է օրինակ և ոգեշնչման աղբյուր մնալ շատ երիտասարդների համար։ Նա սիրելի է դարձել շատերին։ Ալենի կերպարը հպարտության առիթ է բոլոր նրանց համար, ովքեր Ալենին ճանաչել են։
Իսկ ովքեր չեն ճանաչել, մեծ ցանկություն ունեն գոնե իրենց հնարավորությունների սահմանում հարգել Ալենի սրբազան հիշատակը։ Համընդհանուր տարածված իրողություն է դարձել այն հանգամանքը, որ շատերը նոր լույս աշխարհ եկած բալիկներին անվանում են մեր հերոսների անուններով։
Շատերը սիրով իրենց զավակներին Ալեն են անվանում՝ ի պատիվ պայծառ Ալենի։ Հերթական Ալեն անվան անվանակոչության դեպքն է տեղի ունեցել Կանադայի Տորոնտո քաղաքում։ Գոհար Հովհաննիսյանը հայտնում է, որ Տորոնտոյում լույս աշխարհ է եկել իր թոռնիկը, ում նրանք Ալեն են անվանել։
Ալենի մայրն այսպես է արձագանքել այս նորությանը․ «Արդեն վեցերորդ Ալենը՝ ի պատիվ քեզ՝ իմ հպարտ հերոս, ԲՈԼՈՐԻՍ ԱԼԵՆ։ Դու վաղուց գրավել ես աշխարհը։ Դարձել ԼՈՒՍԱՏՈՒ ՓԱՐՈՍ, դարձել ՉԱՓԱՆԻՇ»։
