Որևիցե համեղ ուտեստի պատրաստումը հիանալի առիթ է ընտանիքին կամ ընկերներին հավաքել համեղ սեղանի շուրջ և հետաքրքիր ու լավ տրամադրությամբ օրն արդեն կարելի է ստացված համարել։ Հանգստյան օրերն էլ իրենց հերթին հրաշալի նախապայման են ստեղծում նման օր ունենալու համար։ Առաջարկում ենք մի բաղադրատոմս, որը աներևակայելի համեղ է և կարելի է մատուցել թեյի հետ ապահովելով ջերմ ու բարի հավաքույթը։
Խմորի համար անհրաժեշտ է՝
Սառը ջուր — 60 գ
Շաքարավազ — 1 ճ․գ․
Աղ — 1 թ․գ․
Թթվասեր — 150 գ
Կարագ — 60 գ
Հավկիթ — 1 հ․
Ալյուր — 550 գ
Միջուկի համար անհրաժեշտ է՝
Հավի ազդրերի միսը- 600 գ
Կարտոֆիլ — 600 գ
Սոխ — 250 գ
Աղ, պղպեղ՝ ըստ ճաշակի
Կարագ — 100 գ
Խմորի համար նախատեսված բոլոր բաղադրիչները միախառնել, լավ հունցել և ստանալ էլաստիկ խմոր։ Այնուհետև տեղավորել տոպրակի մեջ և թոնել 30 ր հանգստանալ։ Մինչ այդ կարելի է սկսել միջուկի պատրաստման գործընթացը։
Բաղադրիչները կտրատել քառակուսիներով և միացնել իրար, լավ խառնել, այնուհետև խմորը բաժանել տասներկու հավասար մասերի, յուրաքանչյուրից գրտնակի օգնությամբ ստանալ 2-3 սմ տրամագծով շերտեր, միջուկը դնել կենտրոնում, ավելացնել մեկ կտորկարագ և ստանալ այնպիսի բլիթներ, ինչպես պատկերված է նկարում։
Վրան կարելի է քսել դեղնուցի և կաթի խառնուրդ և թխել սկզբում 220° տաք ջեռոցում 10 ր․, այնուհետև 180 աստիճան 50 ր․։
