Առավոտյան վարչապետ Ն. Փաշինյանը տիկնոջ հետ Ծիծեռնակաբերդի բարձունքում էր: Նրանք եկել էին իրենց հարգանքի տուրքը մատուցելու մեր միլիոն ու կես անմեղ հայրենակիցների հիշատակին և աշխարհին հիշեցնելու հայոց պատմության այդ վիրավոր ու ցավոտ էջի մասին:
Պետական ծրագորվ նախատեսված արարողակարգը դեռ շարունակվում է: Վարչապետի այցելությանը հաջորդեցին այլ պետական ու հոգևոր այրերի այցեր, իսկ քաղաքացիները իրենց ներկայությունը հաստատում են վիրտուալ կերպով:
Ապրիլքսանչորսյան առաջին առավոտն է այսօր, որ Ծիծեռնակաբերդ տանող ճեմուղին դատարկ է: Աննա Հակոբյանը նկարներ է հրապարակել Ծիծեռնակաբերդից:
Մեկ դար անց մեր զգացմունքները դեռ անմար են, մեր հիշողությունները՝ արթուն, պահանջը՝ անփոփոխ: Ա. Հակոբյանը գրառմամբ վերահաստատել է հայոց աննկուն ու չընկճվող ոգու զորությունը, ապրելու և արարելու ցանկությունը, որը խարսխված է հայոց արյան մեջ:
Մեր հավերժ պատմության և չհանձնվելու, չպարտվելու, չհիասթափվելու խորհուրդն ունի այս օրը, որը խորհրդանշական կերպով ոգեկոչում է մեր պատմության տխուր ու ցավալի էջը:
