Երտասարդ հայտնի երգիչներից Սարգիս Եղիազարյանը, ով ունի նաև դերասանության հաջող փորձառություն, նոր գործի պրեմիերայով է հանդես եկել, որը յուրօրինակ անակնկալ է մեղեդային մեղմ ու քնքուշ երգերի սիրահարների համար։
Երգի խոսքերը այս անգամ էլ է Սարգիսը հեղինակել։ Նա ունի բավականին հաջող ստեղծագործական փորձառություն։ Երգի մեղեդին Սարգիսը վստահել է Գրիգոր Կյոկչյանին։
Սարգիսի նոր ստեղծագործության գործիքավորողը Գուրո Գասպարյանն է։ Ստացված ստեղծագործությունը դեռևս ներկայացվում է առանց տեսահոլովակի, սակայն այս հանգամանքը չի խոչընդոտել, որ երգը սիրվի և ընդունվի շատերի կողմից։
Սարգիսն իր յութուբյան ալիքում տեղադրած երգի տարբերակի ներքո գրել է, որ այդ ստեղծագործությունը նվիրված է փոքրիկ Ռիտային՝ առանց մանրամասնելու, թե ով է Ռիտան։ Երգը վերնագրված է «Սրտիս փոքր կես» ձևակերպմամբ։
Սարգիսի մատուցած նոր, մեղմ ու քնքուշ ստեղծագործությունը կարող եք ունկնդրել ստորև կցված նյութի մեջ՝ մեկնաբանություններում կիսվելով նաև ձեր տպավորություններով։
