Այսօրվա առավոտը բոթաբեր էր։ Երեք զինվորների մահվան մասին տեղեկացանք պաշտոնական աղբյուրներից։ Երեքն էլ տարեկիցներ էին՝ 2002 թվականին ծնված տղաներ, ովքեր Սյունիքի դիրքերից մեկում միասին են եղել։
ՊՆ-ն խոստացել է առաջիկայում հանդես գալ այս գործի բացահայտման պատշաճ տեղեկատվությամբ։ Իսկ մինչ այդ ներկայացնենք մահացած զինվորների մասին որոշակի տեղեկություններ։
Զինվորներից մեկը Մուրադ Մուրադյանն էր։ Նա իր զինծառայությունը նախորդ տարի էր սկսել և մասնակցել էր արցախյան վերջին պատերազմին։
Մուրադը Կոտայքի մարզից էր՝ Բուժական համայքնից։ Նա ընտանիքի կրտսեր զավակն էր՝ երեք քույրերի միակ եղբայրը։
Մահացած զինվորներից մյուսը Գոռ Սահակյանն էր, ով Դիլիջանից էր և զինծառայությունը սկսել էր 2021 թվականի ձմռանը։
Գոռը մինչ զինծառայության մեկնելը հասցրել էր ընդունվել ԵՊՀ-ի Միջազգային հարաբերությունների ֆակուլտետ։
Գոռին ճանաչողները նշում են, որ նա խելացի, հավասարակշռված ու զուսպ անձնավորություն էր, ով պատրաստվում էր զինծառայությունից հետո շարունակել ուսումը։
