Հիանալի լուր․ Վրաստանից Հայաստան է գալիս 27 շնչառական սարք

Երեկ լուր էր տարածվել, որ Վրաստանի հայ գործարարները տասը շնչառական սարք՝ թթվածնային կոնցենտրատոր են նվիրել Հայաստանին։ Բայց արի ու տես էլ ավելի հրաշալի լուր․ այդ տասը սարքին ևս տասնյոթն է ավելացել։

Առողջապահության նախարարությունը, իմանալով, որ թթվածնային սարքեր են ուղարկվելու, հայտնել է՝ պատրաստ է գնել ևս մի քանիսը։

Այդ մասին իմանալով՝ թբիլիսաբնակ հայ համայնքի գործարարները մի քանի ժամում գնել են ևս տասնյոթ սարք և ուղարկել Հայաստան։ Մինչև սահման տեղափոխումն ու անցկացումը կազմակերպել է Վրաստանում հայաստանյան դեսպանությունը։ Սա իրապես հսկայական օգնություն է հայրենիքին՝ վիրահայերի կողմից։

Նշվում է՝ սարքերը հասնելու են Նորքի ինֆեկցիոն, որտեղից մի քանիսը տեղափոխվելու են մարզեր, ինչի մասին հավելյալ կտեղեկացվի։

Բացի սարքերից, ընթացքի մեջ է աջակցության մի քանի ծրագիր ևս։ Հավաքագրվում է «Մեկ դիմակ՝ մեկ կյանք» ծրագրի համար անհրաժեշտ գումարը, որից գնվելու են դիմակներ՝ սոցանապահով խավի ընտանիքների համար։

Իմանալով այդ մասին՝ վրացաբնակ հայ գործարար Վարդան Մանուչարյանը երեք հազար հատ դիմակ է տրամադրել, որպեսզի շնչառական սարքերի հետ միասին արդեն ուղարկվի հայրենիք ու հնարավորինս արագ տրամադրվի անապահովներին։

Понравилась статья? Поделиться с друзьями:
error: Content is protected !!