Հարազատներից և ոչ մեկին մինչև վերջին օրը չի ասել, որ ինքն առաջնագծի թեժ կետում է․ անմահացած հերոսի կիսատ մնացած կյանքի ուղին

Հայրենիքի այսօրվա գարունը առաջնագծում կանգնած լուսավոր տղաների կյանքի գնով է։ Այդ ինչքան զգույշ ու արժանավոր պետք է ապրել, որ կարողանանք արժանանալ նրանց։ Երախտագիտության և ոչ մի խոսք բավարար չէ մեր հոգիները հանգստացնելու համար։

Ճանաչենք մեր հերոսներին անուն առ անուն և հավետ հնչեցնենք նրանց անունները ամենտարբեր հարթակներից, որ նրանք հավերժ լինեն, որ սերունդները նրանց սխրանքով ոգևորված կերտեն հզոր հայրենիք և վստահ ու խրոխտ քայլերով առաջ ընթանան։

Լրագրող, հրապարակախոս Անի Քոչարը ֆեյսբուքյան իր օգտահաշվում գրել է անմահացած հերոս Աբրահամ Սադոյանի մասին։ Աբրահամը ծնվել է 2002 թ., Արագածոտնի մարզի Կոշ գյուղում: Դպրոցն ավարտելուց հետո մասնակցել է վարորդական դասընթացների և վերջացնելուց հետո մեկնել ծառայության։

Ծառայությունն անցկացնում էր Մեղրիում, Ագարակ։ Երբ սկսվեց պատերազմը, Աբրահամը 2 ամսվա ծառայող էր․ նրան տեղափոխել էին Ջաբրայիլ։ Հարազատներից և ոչ մեկին մինչև վերջին օրը չի ասել, որ ինքը պատերազմի թեժ կետում է: Մշտապես հավատացնում էր, որ ինքը լավ է և ամեն ինչ նորմալ է։

Անմահացել է 2020-ի հոկտեմբերի 9-ին՝ անօդաչուի հարվածից։ Կյանքով լի երիտասարդն ուներ բազում երազանքներ, որոնք այդպես էլ չիրականացան։ ՀՀ նախագահի կողմից պարգևատրվել է շքանշանով։ Հիշատակդ հավերժ․․․

Понравилась статья? Поделиться с друзьями:
error: Content is protected !!