Ծառերին ուղղված պաշտպանությունն այնքան է շատացել, որ դրա հետ կապված պատմություններն արդեն զվարճալի են դարձել։
Զվարճալի մի պատություն էլ ներկայացրել է Երևանի ավագանու անդամ Իզաբելլա Աբգարյանը։ Նա մասնավորապես գրել է․ «Կոմիտասում տեսա՝ մեկը պուճուր սղոցով ծառի մոտ չգիտեմ ինչ ա անում, վազելով եկա ու սկսեցի. «ո՞վ ես, ի՞նչ ես անում, համազգեստ չունես, ուրեմն կանաչապատման աշխատող չես»:
Լսեց, լսեց, թողեց շունչ քաշեմ ու ասաց, որ էդ ծառը տնկած մարդն ա, որ 8 տարի ա խնամում ա։ Կողքից աճած փոքր ճյուղիկներն էր հարթում:
Ներողություն խնդրեցի, ասաց, որ միայն ուրախ ա, որ իր ծառը պաշտպանել եմ ուզել: Ընկերացանք Հովիկի հետ: Ի դեպ, իմ սիրած սոսին ա տնկել»։
Այնուհետեև ավագանու անդամը մեկնաբանություններում պատմել է, որ Հովիկը իրեն սուրճի է հրավիրել, սակայն ժամանակի սղության պատճառով մերժել է, որի համար էլ ափսոսանք է հայտնում։
