Կոլոլակ բանջարով․ անչափ համեղ և օգտակար ուտեստ

Այս շրջանում Պահքի շրջանն է և մարդիկ սեփական կամքով իրենց զրկում են կենդանական սննդից և փորձում է՛լ ավելի մոտենալ Աստծուն։

Առաջարկում ենք պատրաստել պահքային մի հրաշալի ուտեստ, որը հարուստ է օգտակար հատկություններով և անչափ համեղ է։

Եվ այսպես, կոլոլակ բանջարով և թահինով պատրաստելու համար նախապատրաստեք հետևյալ մթերքները՝

Խմորի համար`

Մանր բլղուր ½ բաժակ

Ալյուր ½ բաժակ

Լոլիկ֊պղպեղի մածուկ 1 ճ.գ.

Կարմիր և սև պղպեղ

Քիմիոն, աղ

Միջուկի համար`

Բազկատերև 1 կապ

Սոխ 1 գլուխ

Թահին ¼ բաժակ

Բուսայուղ 1 ճ.գ.

Կարմիր և սև պղպեղ

Սումախ, աղ

Բուսայուղ տապակելու համար

Իսկ այժմ պատրաստման մասին․ բազկատերևը խաշել, քամել, լցնել սոխառածի վրա, խառնել թահինը և համեմունքը։ Խառնել խմորի բաղադրիչները, քիչ֊քիչ ջուր ավելացնել, շաղել, մինչ կփափկի, բայց և կպչուն չի լինի։ Խմորից վերցնել ընկույզի չափով, թեթևակի շաղել, փոսիկ բացել, մատներով լայնացնել, ապա լցոնել միջուկով, փակել բերանը և մի քիչ տափակացնել։

Տապակել առատ և տաք ձեթի մեջ։ Կարելի է և՛ տապակել, և՛ խաշել։ Բաղադրատոմսը պատկանում է Սոնիա Թաշչյանին։

Понравилась статья? Поделиться с друзьями: