Գագիկ Սուրենյանին համացանցում հետևում է հանրության մեծ հատված և պատճառը ոչ միայն եղանակային կանխատեսումներին առաջինը ծանոթանալ ու տեղեկանալն է, այլև օդերևութաբանության պետը հանրության շրջանում մեծ հարգանք և հետաքրքրություն է վայելում։
Նա հաճախ է հետաքրքրական հրապարակումներ կատարում, որոնք համեմված են յուրօրինակ հումորով։
Այդ հրապարակումների ներքո օգտատերերը քննարկումներ են ծավալում, երբեմն էլ նույնիսկ բողոքական գրառումներ են կատարում։
Սուրենյանը հաճախ է մեկնաբանություններում պատասխանում օգտատերերին և այդ պատասխան-գրառումները հիմնականում հումորային բնույթ են ունենում։
Այս անգամ օդերևութաբանության պետը անչափ ջերմ ընտանեկան լուսանկար է հանրայնացրել, որտեղ ինքը դուստրերի հետ է և իրենց շնիկի։ Լուսանկարն արված է բուխարու կողքը։ Այն կարծես հեքիաթից մի դրվագ լինի։
Գագիկ Սուրենյանը լուսանկարը մակագրել է՝ կիրակի։ Օգտատերերը հավանումների են արժանացրել լուսանկարը և մեկնաբանություններում նշել, որ Ամանորյա շունչ ու ընտանեկան ջերմություն է հորդում լուսանկարից։
