Սիրված արտիստներից Կարեն Ասլանյանը վերստին նորություն ունի նոր երգի պրեմիերայի տեսքով։ Նա նոր ստեղծագործություն է ներկայացրել նոր տեսահոլովակի ուղեկցությամբ, որի հեղինակը Տիգրան Ավետիսյանն է։
Իսկ նոր ստեղծագործության բառերի ու մեղեդու հեղինակությունը պատկանում է հենց Կարեն Ասլանյանին, ով երգի տեսահոլովակում կերպավորել է նաև գլխավոր հերոսներից մեկին։
Երգը վերնագրված է «Մամ ջան, Պապ ջան» ձևակերպմամբ։ Ինչպես հասկանալի է դառնում վերնագրային ձւակերպումից, ստեղծագործությունն ամբողջությամբ նվիրված է ծնողներին։
Երգիչն իր ուրախությունն ու երջանկությունն է հայտնում այն առիթով, որ իր ծնողներն իր կողքին են, ինքը հնարավորություն ունի նրանց ուրախացնելու և երջանկացնելու։
Տեսահոլովակը կառուցված է գունեղ կերպարների, ծնողներին զվարճալի անակնկալ մատուցող զավակների սցենարի շուրջ։ Այն բարձր տրամադրություն է հաղորդում դիտողին։
Կարեն Ասլանյանի նոր ստեղծագործության տեսահոլովակը կարող եք դիտել ստորև բերված նյութի մեջ, իսկ երգը նվիրել ձեր ծնողներին՝ բարձրացնելով նրանց տրամադրությունը։
