Եկե՛ք պատրաստենք կանաչեղենով և սխտորով լցոն։
Անհրաժեշտ բաղադրիչներ՝
2 բաժակ մանրացված սամիթ,
1 կիտրոն,
10 պճեղ սխտոր,
100 մ/լ ձիթապտղի յուղ,
աղ՝ ըստ ճաշակի։
Պատրաստելիս նախ մանր-մանր կտրատել սամիթը և լցնել մեծ տարայում։ Դրան ավելացնել նաև խորանարդաձև, մանր կտրատված սխտորը։ Այդ նույն տարայում քերիչով անցկացնել կիտրոնի կեղևը։ Ավելացնել նաև կիտրոնի հյութի կեսը և աղ՝ ըստ ճաշակի։ Խառնուրդին ավելացնել ձիթապտղի յուղ և զգուշորեն խառնել։
Բոլոր բաղադրիչները մանրացնել բլենդերով։
Պատրաստի լցոնը հավելել ուտեստին կամ պահել առանձին տարայում։
Ի դեպ, եթե ձեռքի տակ բացակայում է ձիթապտղի յուղը կարող եք այն փոխարինել արևածաղկի բուսական յուղով։ Իսկ բլենդերի բացակայության պարագայում լցոնը ծեծել սանդով։ Բացի այդ, պարտադիր չէ, որ այն միատարր զանգված ստացվի։
