Իսպիրյանները հայտնի են իրենց հայրենասիրական, հզոր, ոգեղեն երգերով ու կատարումներով։ Նրանք հաճախակի են իրենց ոճին համապատասխան նոր սըեղծագործություններով հանդես գալիս։
Այսօր օրվա հայտնի խորհրդին համապատասխան Աղասի և Տարոն Իսպիրյանները նոր ստեղծագորություն են ներկայացրել, որը վերնագրված է «Արցախցի Հայոց»։ Ստեղծագործությունը որոշակի ցավ ու ափսոսանք է արտահայտում։
Ափսոսանքը կորցրած հողի ու ջրի համար է, հիշատակվում են տարբեր ժամանակների մեր հզոր տղաների կատարած սխրագործությունները, անուններն ու արարաքները։ Հիշատակվում են փառավոր պատմական էջեր, որոնք առանցքային ու կարևոր են և չեն կարող մոռացվել։
Նոր ստեղծագործության հեղինակը ավագ Իսպիրյանն է՝ հայտնի երգիչ Ներսիկ Իսպիրյանը։ Նա է երաժշտության և խոսքերի հեղինակը միաժամանակ։ Գործը մատուցված է տեսահոլովակի միջոցով, որը երգի բովանդակությանը համահունչ մռայլ գույներով է ստեղծված։
Իսպիրյան եղբայրների ներկայացրած նոր՝ «Արցախցի Հայոց» ստեղծագործությունը կարող եք ունկնդրել ստորև կցված նյութի մեջ։
