Ինչ-որ բան այն չէ. Ալիևի վերջին գրառումը և հայկական մամուլում հայտնված տեղեկատվությունը ինձ մոտ մի վարկած առաջին տեղում են պահում. Ստյոպա Սաֆարյանի կարևոր գրառումը
Դեմարկիացիա/դելիմիտացիա և «միջանցքի» թեմայով հայկական ու ադրբեջանական կողմերի վերջին՝ ծայրահեղ հակադիր տեսակետները, ու Ալիևի վերջին գրառումը «Զանգեզուրյան միջանցքի» մասին, ինչպես նաև հայկական մամուլում հայտնված տեղեկատվությունը նոյեմբերի 9-ին սպասվող եռակողմ նոր փաստաթղթերի ստորագրման մասին, ինձ մոտ մի վարկած առաջին տեղում են պահում․
Ալիևը, որը ըստ ՀՀ իշխանությունների հայտնածի (որ Բաքուն դեմ է դեմարկացիա/դելիմիտացիային) և բաց աղբյուրների վրա մեր վերլուծությունների, պետք է որ իսկապես դեմ լինի դրան (դա նրան զրկելու է բազում ճնշման գործիքներից), ուղղակի փորձում է դիրքորոշումից հայկական կողմի ետնահանջի մասին իր գրառումով հայկական կողմի ձեռքով տապալել նոյեմբերի 9-ը՝ գրգռելով ներքաղաքական կյանքը։ Միգուցե՞ հայկական կողմի լռությունն էլ դրանով՝ խաղը հասկանալով է պայմանավորված․․․․
Ի վերջո՝ եթե մեկը պատրաստվում է կրկին «հաղթել», որը պետք է փաստաթղթով ամրագրվի, իր հաղթանակի ավետիսը մինչև դրա ամրագրումը չի անի, այլ դա կանի հաղթելուց հետո․․․ Ի վերջո կարող է դա տեղի չունենալ, չէ՞․․․ Ինչ-որ բան այն չէ․․․ Դեռ մտածում ու մտածում եմ այս ամենի մասին ու սա թեկուզև թիվ մեկ, բայց վարկած է։
