Մարալ Նաջարյանի մասին հետպատերազմական օրերին շատերս առիթ ունեցանք իմանալու, քանի որ լիբանանահայ տիկնոջ գերության փաստը հուզել և անհանգստացրել էր շատերին։
Շուտով Մարալի լուսանկարներով ողողվեց ողջ համացանցը։ Նրա մասին գրեցին և խոսեցին շատերը։
Ամիսներ տևած բանակցային գործընթացների, արտասահմանյան դեսպանների և դիվանագետների ներգրավմամբ հնարավոր եղավ Մարալին վերադարձնել։
Տիկնոջ պահանջով նրան միանգամից Լիբանան էին տեղափոխել։ Գերությունից վերադարձած Մարալի տեսքը ցնցել էր բոլորին, քանի որ շատերը նրան արդեն հասցրել էին լուսանկարներով ճանաչել, իսկ նախկին ու ներկայի Մարալի արտաքին տեսքի միջև տարբերությունն ակնառու էր։
Նախկին խնամված գեղեցկուհին ընդամները ամիսների ընթացքում ծերացել էր մի քանի տարով։ Այժմ համացանցում պտտվում են նաև լուսանկարներ, որտեղ երևում է, թե Մարալն ինչպես է վերադարձել իր նախկին արտաքին տեսքին։
Լիբանանահայ կինը մտերիմների և ընտանիքի հոգատար անդամների միջոցով կարողացել է վերագտնել ինքն իրեն և նախկին տեսքը։ Նա վերստին գեղեցկուհի է։
