Աշխատանքի և սոցիալական հարցերի նախարարությունը նախազգուշական տեղեկատվություն է հրապարակվել սոցցանցային պաշտոնական հարթակում՝ հայտնելով, որ որոշ գործատուներ փորձում են օգտվել պատեհ առիթից և ապօրինի կերպով պետությունից աջակցություն ստացած իրենց աշխատակիցներից գումար վերցնել:
Նախարարությունը հանրությանը իրազեկում է նաև, որ սույն տեղեկությունը ստացել են քաղաքացիների նամակների միջոցով. աշխատողներից շատերը նախարարությանն են փոխանցել գործատուների անօրինական պահանջի մասին ինֆորմացիան նամակի միջոցով:
Նախարարությունը զգուշացնում է գործատուներին, որ նրանք իրավասու չեն օգտվել այդ դրամական միջոցներից, քանզի դրա հասցեատերը աշխատող քաղաքացին է, ով ամենևին էլ պարտավոր չէ այն որևէ այլ մաեկի հետ կիսելու: Միաժամանակ տեղեկացնում է, որ նմանատիպ ինֆորմացիա ստանալու դեպքում իրենք պատրաստվում են գործատուի մասին տեղյակ պահել իրավապահ մարմիններին՝ հարցով զբաղվելու համար:
Նախարարությունը հստակեցրել է նաև, որ մասնավորապես հենց ութերորդ ծրագրի շահառուների մասին է խոսքը, որից օրենքով օգտվող է համարվում աշխատողը, այլ ոչ թե գործատուն:
Կից ներկայացնում ենք նախարարության հրապարակած հայտարարությունն ամբողջությամբ:
