Արման Նշանյանը ոչ միայն տաղանդաշատ արտիստ է, ով հանդես է գալիս հաջողված դերակատարումներով ու երաժշտական կատարումներով, այլ նաև հաջողակ բիզնեսմեն է։
Արմանը մեծացել է արվեստի միջավայրում․ նրա ծնողները դերասաններ Նշանյան Ժանն ու Թուխմանյան Շաքեն են։
Թերևս, սա է պատճառը, որ Արմանի բիզնեսը ևս մեծապես կապված է արվեստի ու մշակույթի հետ։ Արմանն ունի ֆիլմեր արտադրող մի ընկերություն, որի միջոցով իրենք արտասահմանյան ֆիլմեր են նկարահանում` այդպիսով նաև նպաստելով հայկականության տարածմանը:
Դա նրանց ընտանեկան բիզնեսն է։ Ֆիլմերի նկարահանման աշխատանքներում Արմանին մեծապես օգնում է կինը՝ Վիտորիան, ով դիզայներ է մասնագիտությամբ և կարողանում է օգտակար լինել կարևոր հարցերում։
Հատկանշական է, որ Արմանի ու Վիկտորիայի դստրիկը լույս աշխարհ է եկել Հայաստանում, չնայած որ դերասանի տատիկը՝ հայտնի արտիստուհի Աննա Նշանյանն Ամերիկայում է ապրում ու Արմանը նրա մոտ մնալու հնարավորություն ունի։
Արմանն ասում է, որ իր մյուս երեխաներն էլ Հայաստանում պետք է ծնվեն, քանի որ դա սկզբունքային հարց է իր համար։
