Թխվածք-սուֆլե «Բելլա» ․ հարկավոր է ընդամենը 3 բաղադրիչ

Այս թխվածք-սուֆլեն պատրաստվում է երեք բաղադրիչով և արդեն հասցրել է նվաճել շատերի սրտերը՝ հանրաճանաչություն ձեռք բերելով։

Իսկապես այն շատ համեղ է և գայթակղիչ։

Իսկ գիտե՞ք, որ սուֆլեն ֆրանսիական ուտեստ է՝ պատրաստված հավկիթի դեղնուցներով և տարբեր բաղադրիչներով, որին հետո հավելում են լավ հարած սպիտակուցները։ Այն կարող է հիմնական ուտեստ կամ քաղցր աղանդեր լինել։

«Բելլա» թխվածք-սուֆլեի համար անհրաժեշտ բաղադրիչները՝

4 հավկիթ,

100գ․ շոկոլադ,

300գ․ կաթնաշոռ։

Հալեցնել շոկոլադը և թողնել, որ սառչի։

Դեղնուցները հարել կաթնաշոռի հետ՝ մինչև միատարր զանգված ստացվի։ Սպիտակուցները լավ հարել, ապա զգուշորեն ավելացնել կաթնաշոռե և շոկոլադե զանգվածին։

Լավ խառնել։

Խառնուրդը լցնել շուրջ 20 սմ տրամագծով կլոր տարայում, որում նախապես ստվարաթուղթ կա։

Տարամ դնե; ջրով լի մեկ այլ կաթսայում այնպես, որ հեղուկն այն կիսով չափ ծածկի։

Եփել ջեռոցում 50-55 րոպե, 180 աստիճան ջերմաստիճանի ներքո։

Թույլ տալ, որ սուֆլեն 10 րոպե սառչի, տարայից հանել և թույլ տալ, որ ամբողջությամբ սառչի։

Սառած սուֆլեի վրա շաքարի պուդրա կամ շոկոլադի փշուրներ շաղ տալ։ Մատուցել՝ չափաբաժիններով կտրատված։

Понравилась статья? Поделиться с друзьями:
error: Content is protected !!