Թխվածք «Մադոննա»․ իդեալական տարբերակ ցանկացած տոնի համար

Ձեր ուշադրությանն ենք ներկայացնում մեղրե շերտերով ամենահամեղ թխվածքի բաղադրատոմսը։

Ըստ էության, այն «Մադոննա» թխվածքի տարատեսակներից է։ Միջուկը պատրաստվում է սալորաչրից և ընկուզեղենից։ Այն շատ հարմար է տոների համար, քանի որ տեսքով բավականին բարձր է։ Այն դյուրությամբ է պատրաստվում և նրբահամ է։

Շերտերի համար անհրաժեշտ բաղադրիչներն են՝

3 հավկիթ,

300գ․ շաքարավազ,

2 ճ/գ մեղր,

2 ճ/գ սերուցքային կարագ,

600գ․ ալյուր,

1 թ/գ սոդա։

Կրեմի համար հարկավոր է՝

400գ․ սերուցքային կարագ,

1 տարա խտացրած կաթ։

Լրացուցիչ՝

100գ․ հունական ընկույզ,

100գ․ սալորաչիր,

1 ճ/գ կակաո,

50գ․ շոկոլադ։

Նախ պետք է պատարստել շերտերի խմորը։ Հավկիթները հարել շաքարավազով, ավելացնել մեղր և սերուցքային կարագ։ Մինչև մեղրի հալչելը պահել գոլորշու վրա։ Զանգվածը պետք է անդադար խառնել։

Դրանից հետո վերցնել կրակից և մաս-մաս ավելացնել ալյուրը։ Սեղանին ալյուր լցնել և շաղել խմորը։ Բաժանել 6-7 մասի։ Յուրաքանչյուրը գրտնակել հնարավորինս բարակ։

Տարային ստվարաթուղթ դնել և դնել գրտնակած խմորը։ 5-7 րոպե թողնել 180 աստիճան ջերմաստիճանի ներքո՝ ջեռոցում։ Այս բաղադրտամոսով պետք է 6 խմոր ստացվի։ Թխվելուց հետո թողնել, որ սառչի։ Տարայում խմորը դնելիս պետք է կողքերը հավասարեցնել։ Խմորի ավելորդ մասերը հանել, միացնել և առանձին եփել։

Կրեմը պատրաստելու համար պետք է հարիչ օգտագործել։ Հարել հալեցված սերուցքային կարագը, ավելացնել խտացրած կաթը։

Ընկուզեղենը մանրացնել, մի մասը թողնել զարդարելու համար։ Սալորաչիրը պետք է նախապես թրջել և լվանալ, ապա մանր կտրատել։

Թխվածքի շերտերին քսել կրեմը՝ ավելացնելով ընկուզեղեն ու սալորաչիր։

Խմորի «ավելցուկներից» ստացված փոքրիկ թխվածքը միացնում ենք կակաոյին և լավ խառնում։ Սատված խառնուրդով զարդարում ենք թխվածքը։