Ինչպես արդեն բոլորն են տեղյակ, այսօր կայացավ ԱԺ առաջին նիստը, որին «Հայաստան» դաշինքը ներկայացել էր սպիտակ շապիկներով, որոնց վրա պատկերված էին կալանավորված պատգամավորական թեկնածուները։
Նրանք բոյկոտեցին նիստը և հեռացան դահլիճից։ Լրագրողների հետ զրույցում Արթուր Վանեցյանը մի միտք էր արտահայտել, որը, մեղմ ասած, շատերի զայրույթն էր շարժել։
Վանեցյանը նշել էր, որ եթե ինչ-որ մեկին թվում է, թե նրանք ԱԺ են եկել, որ բնականոն հունով աշխատեն, ապա սխալվում են։
ԱԱԾ նախկին պետի այս մտքին անդրադարձել է նաև Լևոն Բարսեղյանը։ Նա իր սոցհարթակում հանրայնացրել է Արթուր Վանեցյանի լուսանկարը, որին կցված է եղել նրա արտաբերած վերոնշյալ միտքը։
Այդ լուսանկարը Բարսեղյանը գրառել է հետևյալ կերպ․ «Ճիշտ է ասում մարդը, ի՞նչ եք խառնվել իրար: Դու ասա ընտրողներիդ ասե՞լ էիր էդ մասին, ընտրություններից առաջ, պարոն գեներալիսիմուս: (քֆուր չկար չէ՞, մի հատ մուշտարու աչքով նայեք, ասեք, չբռնեն ինձ դատեն)»։
