Հանրահայտ երաժիշտ ու սրտամոտ ընկեր Հայկոյի մասնակցությամբ շատերը բազմաթիվ հիշողություններ, լուսանկարներ և տեսանյութային կադրեր ունեն պահված, որոնք այս օրերին տեղադրում են հանրային հարթակներում։
Հրապարակված տեսանյութերից, պատմվող պատմություններից հասկանալի է դառնում, որ Հայկոն շատ ջիգյարով, հումորով, կատակասեր ու նվիրված ընկեր ու հարազատ է եղել։ Նրա երգարվեստի սիրահարները երաժշտին սովոր են տեսնել միշտ լուրջ ու հավասարակշռված կերպարում։
Միայն երաժշտի հետ անձնապես շփում ունեցած անձինք կարող են փաստել, թե նա որքան ակտիվ, ուրախ և հետաքրքիր ընկեր է եղել ընկերական նեղ շրջանակներում։ Այս օրերին մենք լսեցին բազմաթիվ հետաքրքիր ու գեղեցիկ հուշային պատմություններ, որոնք ամբողջացնում են Հայկոյի մարդկային բացառիկ կերպարը։
Ստորև ներկայացնում ենք Հայկոյի մասնակցությամբ բացառիկ տեսանյութ, որը նկարահանվել է ընկերական նեղ շրջանակներում կազմակերպված խնջույքներից մեկի ժամանակ։ Տեսանյութում երևում է, որ երգիչը մեծ դերակատարում ունի ներկաների բարձր տրամադրությունն ապահովելու գործում։
