Արցախյան մարտերում անմահացած մեր հերոս տղաների հիշատակը վառ է բոլորիս մտքում ու սրտում։ Մեր պատմության էջերին իրենց անունները անջնջելիորեն դաջած մեր հերոսները հիշվում են մշտապես։
Շատերն են իրենց հարգանքի խոսքն ուղղում մեր տղաներին, նրանց սխրանքի մասին ծանոթացնող նյութեր պատրաստում։
Սակայն միանգամայն այլ իմաստ ու ազդեցիկություն է ստանում իրենց ծառայությունը շարունակող տղաների կողմից իրենց անմահացած ընկերների հիշատակի իրողությունը։ Զինվորները որոշել են փոքրիկ, սիմվոլիկ տեսանյութ պատրաստել։
Այդ տեսանյութերով նրանք հարգում ու պատվում են իրենց ընկերների հիշատակը, նշում անմահացած հերոսի սխրանքը, գնահատում այն։ Տեսանյութում հանդես են գալիս արցախյան պատերազմին մասնակցած և այժմ էլ զինծառայության մեջ գտնվող մեր զինվորականները։
Նրանց նպատակը հստակ է․ որ միշտ հիշվեն ու երբևէ չմոռացվեն մեր հերոս տղաները։ Անչափ ազդեցիկ տեսանյութերից մեկը, որում ներկայացված է անմահացած հերոս Եղիկյան Վահեն, ներկայացնում ենք ստորև կցված նյութի մեջ։
