Պոզները Հայաստանի մասին շատ հարցերի է պատասխանել:
Ռուս հայտնի գրող և լրագրող Վլադիմիր Պոզները » ժամ » ամսագրին տված հարցազրույցում պատմել է իր հիշողությունների և Հայաստան կատարած այցերի տպավորություններից, հայկական մշակույթի իր ընկալման մասին, խոսել ՀՀ վարչապետ Նիկոլ Փաշինյանի հետ հանդիպման և հայ ժողովրդի պատմության ողբերգական պահերին իր վերաբերմունքի մասին:
Նշելով իր տան պատերի մեկին կախված է հայ ականավոր գեղանկարիչ Մարտիրոս Սարյանի նկարը, որը հայտնի լրագրողը ձեռք է բերել իր ընկերներից, Պոզները նշել է, որ ինքը հատուկ վերաբերմունք ունի Սարյանի նկատմամբ:
«Մինչև 1975 թվականը, Հայաստան այցելելուց առաջ ես տեսել եմ նրա որոշ նկարները և մտածել եմ՝ «իհարկե, գույնը չափազանցված են, նման գույներ չկան, դա նկարչի երևակայությունն է, ինչում ոչ մի վատ բան չկա»: Երբ ես գնացի Հայաստան, ցնցված էի։ Իսկապես այդ գույներն այնդիսին են, ինչպիսին նա է ներկայացրել է… երբ ես տեսա այդ նկարը, ասացի վաճառեք ինձ, ես ուզում եմ այն… Ես շատ եմ սիրում այն, դա Սարյանն է», — պատմել է լրագրողը:
Պոզները պատմել է նաեւ Հայաստանում քաղաքական իրադարձությունների նկատմամբ իր վերաբերմունքի եւ վարչապետ Նիկոլ Փաշինյանի հետ հանդիպման մասին:
Պատասխանելով Արցախ կատարած այցի մասին հարցին ՝ Վլադիմիր Պոզները նշել է, որ նման ծրագրեր չկան, քանի որ շատ զբաղված է։ Պոզները նաեւ մեկնաբանել է իր պատասխանը ադրբեջանական ծագմամբ խորհրդային եւ ռուս ռեժիսոր Յուլիա Գուսմանին 2014 թվականին ռուսական «Առաջին ալիքով» «Պոզներ» հաղորդման եթերում, որ «իր սիրելի Բաքվում կոտորել են հայերին»:
«Հայերը, հրեաները, վրացիները, չինացիները, անկախ նրանից, թե ովքեր են … այն, ինչ տեղի է ունեցել Բաքվում այդ տարիներին (հայկական ջարդերը) բացարձակապես անընդունելի է։ Ես չգիտեմ, թե արդյոք ադրբեջանական իշխանությունները ներողություն են խնդրել, թե կարեկցանք հայտնել, ես ուղղակի տեղյակ չեմ, բայց փաստն այն է, որ դա սարսափելի արյունալի կոտորած էր…», — ասել է նա։
Վլադիմիր Պոզները նաեւ պատմել է, որ ինքն է օգնել հայ ընտանիքին ՝ մորը եւ դստերը, որոնք մեկ տարի ապրել են իր տանը, եւ որոնց Բաքվում զայրացած ամբոխից փրկել է ադրբեջանցի միլիցիոները:
