Դերասանուհի Քրիստնա Եղոյանը, ով հանրության շրջանում հայտնի դարձավ «Ֆուլ Հաուս» սիթքոմից, սոցհարթակում ակտիվ գործունեություն ունի։ Նա իր առօրյայի դրվագներից հաճախ է կիսվում հետևորդների հետ։
Այսօր դերասանուհին ինսթագրամյան իր օգտահաշվում մի լուսանկար է հանրայնացրել, որտեղ նա ծաղիկներով, փուչիկներով է շրջապատված և ձեռքին պահում է մատանի։ Քրիստինան լուսանկարը չի մեկնաբանել, ավելացրել մի քանի էմոջի, որոնց շարքում նաև մատանի կար։
Այդ փոքրիկ հուշումը դերասանուհու հետևորդներն անմիջապես նկատել են և մեկնաբանություններում հանդես եկել շնորհավորանքներով և ջերմագին բարեմաղթանքներով։ Հետևորդներից ոմանք ասել են, որ արդար չէ և պահանջել են հանրայանցնել լուսանկար, որտեղ Քրիստինան կլինի փեսացուի հետ։
Քրիստինայի կողմից մեկնաբանություններում դեռ որևէ արձագանք չի եղել։ Դերասանուհին մինչ այդ հանրայնացրել էր լուսանկար, որին կից գրառման մեջ մարտիության շնորհավորանքով էր հանդես եկել։
Նա մասնավորապես գրել է․ «Սիրելի՛ աղջիկներ, սիրով շնորհավորում եմ բոլորիդ Մարտի 8-ի կապակցությամբ։ Սիրեք և եղեք սիրված»։
