Ինչպես արդեն տեղեկացրել էինք, Գոհար Ավետիսյանը դիմել է վիրահատական միջամտության։ Այն էսթետիկ բնույթ ունի։ Դիմահարդարը ժամանակին ուներ հարյուր և ավելի կիլոգրամներ:
Վերջին շրջանում նա կարողացել է հասնել 70 կգ-ի, որի հետևանքով էլ անհրաժեշտություն կար ձգել մաշկը վիրահատության միջոցով։ Նա համացանցային իր հարթակում պատմում էր այդ ամենի մասին մանրամասնորեն։ Իսկ երեկ դիմահարդարն ունեցել է հետվիրահատական բարդություններ և նրան անմիջապես հոսպիտալացրել են։
Գոհարի կարերից մեկը քանդվել էր և սկսել արնահոսել։ Հիվանդանոցում նրան կրկին անզգայացրել են և շտկել բարդությունը։
Վիրահատության օրից անցել է յոթ օր, բայց դիմահարդարը դեռ վիրակապերով է և հաճախ ցավեր է ունենում։ Նա նաև դժվարությամբ է քայլում։ Բացի ֆիզիկական ծանր վիճակից, Գոհարը նաև ճնշվում է հոգեպես։ Նա շատ է ցանկանում գրկել որդուն, պարել և խաղալ նրա հետ, ինչպես միշտ։
Սակայն ֆիզիկապես դա անել նա չի կարող, իսկ փոքրիկ Գասպարը նույնպես կարոտում է մայրիկին, ինչ էլ ճնշում է դիմահարդարին։ Գոհարին առողջություն ենք մաղթում։
