Գիտե՞ք, որ կարիերայի սկզբում Էնրիկե Իգլեսիասը հանդես է եկել Էնրիկե Մարտինես կեղծանվամբ

Իսպանացի կատարող Էնրիկե Իգլեսիասը լատինաամերիկյան երաժշտության ամենահանրաճանաչ կատարողներից է։ Նրա ամբողջական անունը Էնրիկե Միգել Իգլեսիաս Պրեյսլեր է, ծնվել է 1975-ի մայիսի 8-ին, Մադրիդում։

Նա ևս իր ուրույն տեղն է գտել երաժշտության ասպարեզում։

Դեռևս մանուկ հասակում Էնրիկեն ստեղծագործել է՝ իր գործերը երգերի վերածելու ակնկալիքով։ Սակայն հայրը հարկադրել է նրան Մայամիի համալսարանի բիզնեսի ֆակուլտետ ընդունվել։

1994-ին, թողնելով համալսարանը, նա սկսում է համագործակցել FonoMusic լեյբլի հետ։ Երբ սկսնակ երգիչ էր, Էնրիկեն հանդես էր գալիս Էնրիկե Մարտինես կեղծանվամբ։

Երգչի խոսքով՝ նա տանել չի կարողանում նկարահանումները։ Բանն այն է, որ Էնրիկեի համար բարդ է տեսախցիկի առջև երկար ժամանակ մնալ։

Էնրիկե Իգլեսիասը շուրջ 100 մլն ձայնասկավառակ է վաճառել։

Նշենք, որ նրա առաջին սինգլը՝ Si Tu Te Vas-ը, թողարկվել է 1995-ին։ Նույն տարվա նոյեմբերի 21-ին թողարկվել է երգչի առաջին ալբոմը՝ Enrique Iglesias-ը։

Понравилась статья? Поделиться с друзьями: