Ուշ գիշերին արտառոց դեպք է պատահել Ռուսաստանի Վորոնեժ քաղաքում։ Ավտոբուսների համար նախատեսված կանգառում կայանված ավտոբուսներից մեկի տեսախցիկը ֆիքսել է, թե ինչպես է պայթում դիմացը կանգնած ավտոբուսը, որը կանգառում կանգնած էր, որ ուղևորները բարձրանան։
Ավտոբուսի պայթյունից անմիջապես հետո երևում է, թե ինչպես են ներսի ուղևորների մի մասը խուճապահար դուրս վազում։ Արագ ավտոբուսի ուղևորներին օգնելու են վազում մոտակայքի քաղաքացիները։ Հայտնի է, որ պայթյունի հետևանքով տասնվեց քաղաքացի է վիրավորում ստացել, իսկ տուժած կանանցից մեկը հիվանդանոցում մահացել է։
Ավտոբուսի պայթյունից հետո շրջանի նահանգապետը հայտարարել է, որ ուրբաթ օրվանից ավտոբուսների վարորդները խնդրելու են ուղևորներին ուշադրություն դարձնել ցանկացած օտար առարկայի։
Որպես պայթյունի նախնական վարկած՝ դիտարկվում է գազի բալոնի հետ կապված անսարքության առաջացումը։ Այս մասին ՌԻԱ Նովոստիին հայտնել է արտակարգ իրավիճակների ծառայության ներկայացուցիչը։
Ստորև կարող եք դիտել տեսանյութ, որտեղ երևում է, թե ինչպես է պայթում ավտոբուսն ու ինչպես են դուրս գալիս ուղևորները։
