Ընթանում է Պահքի շրջանը և շատերի մոտ է առաջ գալիս այն հարցը, թե արդյոք ի՞նչ ուտել այսօր։ Հրաշալի միտք ենք բերել․ աղցան, որն անչափ օգտակար է, համեղ և որ չափազանց կարևոր է՝ հագեցնող։
Եվ այսպես, բաջարեղենային բրնձով բուրիտո պատրաստելու համար անհրաժեշտ կլինի՝
3 գունավոր պղպեղ՝ զոլերով կտրատած
Կարմիր սոխ 1 գլուխ՝ մանրացված
Եգիպտացորեն 1 տուփ
Բուսայուղ
Աղ
Սև պղպեղ
Լոբի 1 բաժակ՝ եփած
Բրինձ 1 բաժակ, եփած, թանձրուկով խառնած
Հազարի տերև՝ մանրացված
Համեմ կամ մաղադանոս՝ մանրացված
1 լայմի հյութ
Լոլիկով պիկո
Բրնձի թանձրուկի համար`
1 ավոկադո
2֊3 հալապենյո
2֊3 պճեղ սխտոր
1 կիտրոնի հյութ
Ջուր ¼ բաժակ
Լոլիկով պիկոյի համար
Չերի լոլիկ 450 գ, 4 մասի բաժանած
½ կարմիր գլուխ սոխ՝ մանրացված
Համեմ կամ մաղադանոս՝ մանրացված
1 լայմի հյութ
Իսկ այժմ պատրաստման մասին․
Պղպեղներն ու սոխը տապակել բուսայուղում, համեմել աղով և պղպեղով, հանել թավայից, նույն թավայի մեջ տապակել եգիպտացորենը։ Թանձրուկի համար բոլոր բաղադրիչները հարել բլենդերի մեջ։ Պատրաստել լոլիկով պիկոն, բոլոր բաղադրիչները խառնել տարայի մեջ։
Մեծ տարայի մեջ լցնել հազարի տերևը, պղպեղը և եգիտացորենը, լոլիկով պիկոն, թանձրուկով բրինձը, ապա լոբին։ Վրան ցողել լայմի հյութը, լցնել կանաչին, մատուցել։ Կարելի է նաև լավաշով մատուցել։
