Դերասանուհի, երգչուհի Աննա Դովլաթյանը և դերասան Դավիթ Աղաջանյանը իրենց սոցիալական հարթակներում նոր, անչափ գեղեցիկ լուսանկարներով են կիսվել։
Աննա Դովլաթյանը իր սոցհարթակում հանրայնացված լուսանկարին կից պատմել է այդ լուսանկարների հետ կապված պատմությունը։ Երգչուհին նշել է, որ ավելի վաղ ամուսնական մի զույգի հարսանյաց արարողությունը վարել են ամուսիններով։
Եվ դա առիթ է եղել, որպեսզի այդ զույգի հետ անչափ մտերմանան։ Եվ ահա տարիներ անց նրանք այդ զույգի երեխայի կնքահայրն ու կնքամայրն են դարձել։ Մկրտման արարողության լուսանկարները Աննան ներկայացրել է իր հետևորդներին և նշել, որ ամեն բան արել են, որպեսզի թե՛ փոքրիկը, թե՛ հյուրերը անմոռանալի օր ունենան։
Աննա Դովլաթյանը գրել է․ «2 տարի առաջ կազմակերպեցինք և վարեցինք մի գեղեցիկ զույգի հարսանեկան միջոցառում, ում հետ մտերմացանք և կազմակերպեցինք նրանց հրաշք բալիկ՝ Մարիայի մկրտությունը և դարձանք նրա կնքահայրը և կնքամայրը։
Ամեն ինչ արել էինք, որ փոքրիկին փոխանցեինք վառ և անմոռանալի զգացողություններ, իսկ հյուրերը իրենց զգային մաքսիմալ հարմարավետ»։
