Այսօր՝ օգոստոսի 31-ին, ՀՀ երկրորդ նախագահ Ռոբերտ Քոչարյանի ծննդյան օրն է։ Նա եղել է Արցախի վարչապետը, ապա նախագահը, այնուհետև կարիերան շարունակել է Հայաստանում։ Նախագահը ծնվել է Ստեփանակերտում։ Ունի ճարտարագետի կրթություն։
Մասնագիտությունը ստացել է Պոլիտեխնիկական համալսարանում։ Ռոբերտ Քոչարյանը բացի նրանից, որ սովորելու տարիներին բարձր առաջադիմություն է ցուցաբերել, նա նաև հրաշալի սպորտսմեն է եղել և այժմ էլ սիրում է և հետևում է առողջ ապրելակերպի սկզբունքներին։
ՀՀ երկրորդ նախագահի մայրը մի առիթով նշել է, որ որդին ժամանակին հաճախել է նաև ջութակի դասերի, սակայն երեք տարի սովորելուց հետո դադարեցրել է այն։ Նա սովորել է նաև Մոսկվայի էներգետիկայի ինստիտուտում։
Այդ տարիներին նա բնակվել է քրոջ տանը և հնարավորություն է ունեցել ուսումնասիրել և ծանոթանալ փիլիսոփայությանը, աստվածաբանությանը, ինչպես նաև քաղաքականությանը։ Այդ ժամանակ ռուսական ինստիստուտը չի ավարտել տհաճ միջադեպի պատճառով։
Նա պարահրապարահում մի արբած երիտասարդի հետ վիճում է, ով ինստիտուտի ղեկավարներից մեկի որդին էր, որի հետևանքով էլ փչանում են հարաբերությունները դասախոսական անձնակազմի հետ և Ռոբերտ Քոչարյանը կիսատ թողնելով ինստիստուտը՝ վերադառնում է Հայաստան։
