Այսօր՝ հոկտեմբերի քսանմեկին, աշխարհահռչակ հեռուստաաստղ Քիմ Քարդաշյանի ծննդյան օրն է։ Նա դարձավ քառասունմեկ տարեկան։
Հայրը իրավաբան Ռոբերտ Քարդաշյանն է, ով մահացավ 2003 թ։ Մայրը՝ Քրիս Ջենները, շոտլանդական, անգլիական և հոլանդական արմատներ ունի։ Քրիսը Քիմի մենեջերն է։
Նրանց ընտանիքը առավել հայտնի է ընտանեկան հեռուստաշոուից։ Շոուն հենց իրենց մասին է, որտեղ ներկայացնում են իրենց կյանքը և առօրյայի հետաքրքրական դրվագները։ Քիմը հայտնի դարձավ 2007 թվականից, երբ տարածում գտավ նրա խիստ անձնական կյանքից մի տեսանյութ։
Այն կայծակնային արագությամբ տարածվեց և Քիմի առջև բացեց փառքի ճանապարհը։ Որոշ մասնագետների կողմից ենթադրվում է, որ տեսանյութը տարածել է հենց ինքը՝ Քիմը, քանի որ քաջ գիտակցել է՝ այն իրեն փառք կբերի։
Քարդաշյանը հայտնի է աշխարհի յուրքանչյուր կետում․ ոչ միայն հեռուստատեսային, մոդելային աշխարհում հայտնի դեմք է, այլ ակտիվ զբաղվում է բիզնեսով․ ունի կոսմետիկայի, ներքնազգեստի և այլ արտադրություններ։
Ամուսնացել և ամուսնալուծվել է 3 անգամ։ Վերջին ամուսնությունը եղել է ռեփեր Քանյե Ուեսթի հետ։ Նրանք հանդիսանում են չորս երեխաների ծնողներ։
