Կյանքի ամենաանհոգ, երջանիկ ժամանակաշրջանը մանկությունն է։ Մանկության մասին յուաքանչյուր երևույթ ամենասիրելին, ամենաքաղցրն է։
Այդ տարիների ուսանկարներով դասավորված ալբոմը ամենահետաքրքրական, ամենասիրելի գիրքն է դառնում կյանքի բոլոր փուլերում։ Պարբերաբար թերթելով՝ վերապրում ենք կյանքի ամենաերջանիկ պահերի բոլոր հույզերը։
Սիրված հումորիստ Արամ MP3-ին ինսթագրամյան իր հաշվում հանրայանացրել է մանկության տարիներից սև ու սպիտալ լուսանկարներ, որոնց կից երգիչն իր յուրահատուկ հումորով համեմված գրառում է կատարել, որտեղ անգամ հուզիչ նոտաներ են նշմարվում։
Արամը գրել է․ «Այո՛, մեջտեղի սպիտակ (ոճային) շալվարով տղան ես եմ։ Բակի համերգ, ես էլ, ոնց հասկացաք երգում էի։ Անգամ գաղափար չունեի, որ ինչ-որ մեկն այս պահերն անմահացրել է: Շնորհակալություն քեզ, իմ հեռատես բարեկամ, լուսանկարների համար:
Շնորհակալություն նման արժեքավոր նվերի համար։ Հ.Գ. Նկարը սև ու սպիտակ է․ դժվար նկատեք՝ իրականում մայկաս շատ բաց վարդագույն էր: Դե հիմա էդ ժամանակները էդ էր մոդայիկ»։
