Սուրեն Պապիկյանի նախօրեին տեղի ունեցած հարսանեկան գեղեցիկ արարողության մասին համացանցում քննարկումները շարունակվում էին ամբողջ օրը։
Պետական պաշտոնյայի հարսանեկան արարողությունը տեղի է ունեցել «Փարավոն» ռեստորանային համալիրում, որին մասնակցել են փեսայի և հարսի մտերիմներն ու ընկերները։
Զույգի պսակադրության արարողությունը տեղի է ունեցել Գեղարդի եկեղեցական համալիրում։ Եկեղեցուց հետո զույգը ֆոտոսեսիայի է մասնակցել, ապա ռեստորան գնացել։
Պահելով հայկական հարսանիքների ընդունված ավանդակարգը՝ Ս․ Պապիկյանն ու նրա տիկինը այնուամենայնիվ Պապիկյանի հայրական տուն չեն գնացել, ուստի Ս․ Պապիկյանի մայրը տղային ու հարսին սպասել և դիմավորել է ռեստորանում։
Նա ավանդական եղանակով հարսի և փեսայի ուսերին լավաշներ է գցել, որին հաջորդել է ուրախ պարը։ Արարողությունը վարել է հանրահայտ հաղորդավար Խորեն Լևոնյանը։ Ներկաները նշում են, որ չի հնչել ռաբիզ երաժշտություն։
Ստորև կցված է տեսանյութ, որտեղ երևում է, թե ինչպես է փեսայի մայրը դիմավորում նորապսակ հարսին ու փեսային։
